FAU

God sommar frå Hamre Grendaskule!

Ein fantastisk kveld! Onsdag 21. juni var det elevframføring av skodespelet som handla om Martin Luther. Elevane som skulle over til ungdomsskulen, fekk ekstra merksemd med blomar og applaus. Det vanka også diskokuler til alle elevane og dei dansa heftig i takt med Kool & The gang sin Celebration.  Etterpå var det grilling i solskinet! 

Skoleavslutning 138 - Jun 21 2017.jpg

I år er det 500 år sidan reformasjonen tok til. Då skreiv den tyske munken Martin Luther sitt protestbrev mot den kyrkjelege avlatshandelen. Reaksjonane som fulgte har fått fylgjer for kyrkje-, skule- og samfunnsliv. Det var dette skodespelet skrive av Kristoffer Foldøy, handla om.

Lukke til videre!

Lukke til videre!

Skulen sine to 7. klassingar fekk kvar sin blom og stor applaus. Dei starta begge i 1. klasse på Hamre skule, og fekk dei siste åra av barneskulen, på Hamre Grendaskule. Skulen er svært stolte av dei og ønsker dei lukke til vidare!

FAU ved skulen stod for siste delen av kvelden, og hadde ordna med strålande solskin.  Grillar var sett opp på skuleplassen i tillegg var det saft, kaffi og is. Den flotte naturen på Hamre var ei flott ramme rundt det heile

Dugnad

Dei siste stokkane blir løfta på plass. 

Dei siste stokkane blir løfta på plass. 

FAU organiserte i dag dugnad på Hamre Grendaskule. Det var fotballbana og klatreparken som ble fiksa på dugnaden denne laurdagen i april. 

Det var kjempebra oppmøte med både foreldre og sambygdingar som alle bidro under dugnaden i finveret på Hamre. Vi hadde både traktorar, minigravar og eit arsenal med grafser og river tilgjengelig for dei frammøtte.  

Nå er det klart for å så gras.

Nå er det klart for å så gras.

FAU stilte med saft, kaffi og kaker til alle sammen.

Tusen takk til alle som deltok!